MoU between National University of Battambang and The Education University of Hong Kong dated 24 April 2023

On 24 April 2023, Professor Cheung signed a Memorandum of Understanding (MoU) with the Rector of the National University of Battambang (NUBB), His Excellency SOK Khorn. The MoU provides a framework to facilitate strategic education collaboration between the two universities, marking the beginning of a new phase of close cooperation.

 

His Excellency SOK Khorn expressed his wishes to deepen cooperation with EdUHK, particularly in areas of student and staff exchange, joint research projects, and organizing online seminars and workshops for students and staff at NUBB. 

 

Royal Decree NS/RKT/1122/1449 on Annual Staff Promotion for MoEYS dated 28 November 2022 (Sam Rany, K1.5)

 

Certificate of English for Specific Purposes, Best Practices (University of Oregon, January 11, 2010, to March 19, 2010)

 

Ministerial Decision on the Selection of Assessors of Educational Quality at Higher Education dated 26 June 2023

 

Certificate of Attendance in Strategic Management in Higher Education Workshop, 9-14 December 2018, Brussels, Belgium

 

Certificate of Achievement on Regional Training Workshop for Access Program Teachers and Administrators (August 16-18, 2016)

 

Certificate of Attendance (Estonia, France, and Czech), Erasmus+CBHE- TACTIC (6-16 November 2017)

 

Certificate of Completion on the Leadership and Innovation Program, May 16, 2022

 

Certificate of Attendance: Erasmus+ Staff Training Mobility, April 09-20, 2018, Republic of Czech

 

Certificate of Attendance: Erasmus+ CBHE in Chongqing, China

 

Certificate of Appreciation on Teaching Performance in the Academic Year of 2021-2022 (Mention: GOOD)

 

Certificate of Acknowledgement of Speaker in VietTESOL International Convention 2023

 

Certificate of Participation: SEAMEO RIHED in Ho Chi Minh, Vietnam

 

ប្រវត្តិរូបលោក អ៊ុង ក្រពុំផ្កា ស្ថាបត្យករនៃសាកលវិទ្យាល័យភូមិន្ទបាត់ដំបង

 - លោក អ៊ុង ក្រពុំផ្កា កើតនៅថ្ងៃទី៦ ខែមិថុនា ឆ្នាំ១៩២៤ នៅក្រុងតាខ្មៅ ខេត្តកណ្តាល។

- ឪពុកនាម : អ៊ុង កែវ
- ម្តាយនាម : គឹម ស៊ុម

- លោកបានទទួលសញ្ញាប័ត្រ ផ្នែកវិស្វករជំនាញសាធារណៈការ នៅទីក្រុងហាណូយ ក្នុងសម័យអាណានិគមបារាំង។ លោកបានរៀបអាពាហ៍ពិពាហ៍ជាមួយ កញ្ញា ផ្លែក សូណារ៉េត ដែលត្រូវជាប្អូនស្រីបង្កើត របស់លោកស្រី ផ្លែក ភិរុណ ប្រធានកាកបាទក្រហមកម្ពុជា ។ ជាមួយនឹង នាង ផ្លែក សូណារ៉េត លោកអ៊ុង ក្រពុំផ្កា មានបុត្រ ៦នាក់ ក្នុងនោះរួមមានប្រុស ៣នាក់ និងស្រី៣នាក់ ដែលសព្វថ្ងៃ រស់នៅប្រទេសបារាំង។

លោក អ៊ុង ក្រពុំផ្កា បានត្រូវតែងតាំងជា នាយរងផ្នែកកម្មន្ត និង អាគារស៊ីវិល នៅឆ្នាំ១៩៥៥ ដែលមានតួនាទីពិនិត្យលើគម្រោងសាធារណៈការសំខាន់ៗ នៅទីក្រុងភ្នំពេញ ក្រៅពីជំនាញវិស្វករសំណង់ស៊ីវិលលោកក៏ជាស្ថាបត្យករមួយរូបផងដែរ។

ក្នុងសម័យសង្គមរាស្រ្តនិយមលោក អ៊ុង ក្រពុំផ្កា មានមុខងារជាអនុរដ្ឋលេខាធិការ សាធារណៈការ និង ទូរគមនាគមន៍។ បន្ទាប់មកក៏ត្រូវបានតែងតាំងជារដ្ឋលេខាធិការ សាធារណៈការ និងទូរគមនាគមន៍ ( ១៩៦០ ដល់ ១៩៦១)។ចាប់ពីឆ្នាំ១៩៦១ -១៩៦៥ លោកបានក្លាយជារដ្ឋមន្រ្តី ក្រសួងឧស្សាហកម្ម, សាធារណៈការ និង ទូរគមនាគមន៍។
ចាប់ពីឆ្នាំ១៩៦៩ -១៩៧០ លោកត្រូវបានតែងតាំងជា រដ្ឋមន្រ្តី សាធារណៈការ និង សិល្បៈស្ថាបនាជនបទ ។
ពីឆ្នាំ ១៩៧២ ដល់ ១៩៧៥ លោកត្រូវបានតែងតាំងជា ប្រធានអគ្គនាយក ក្រុមហ៊ុន អាកាសចរ AIR CAMBODGE ដែលមានទំនាក់ទំនងពាណិជ្ជកម្មជាមួយ AIR FRANCE និង UTA។

លោក អ៊ុង ក្រពុំផ្កា បានទុកសមិទ្ធផលជាច្រើនរួមមានដូចជា ៖

-បង្កើតទីភ្នាក់ងារប្រៃសណីយ៍ ៧កន្លែង នៅភ្នំពេញ
-បង្កើតសម្ព័ន្ធវិទ្យុ ទូរស័ព្ទផ្ទាល់ រវាងកម្ពុជា-បារាំង (១៩៦១)
-ចាប់ផ្តើមការដ្ឋានសាងសង់ ស្ពាន លើដៃទន្លេសាប ជួសជួលផ្លូវពី ភ្នំក្រវ៉ាញ ទៅឆ្លូងលើ
-រៀបចំធ្វើផ្លូវរទេះភ្លើង ភ្នំពេញ-ព្រះសីហនុ 

ចំណែកឯស្នាដៃសំណង់របស់លោក មានដូចជា៖
-ផ្ទះសំណាក់រដ្ឋនៅបាត់ដំបង
-សាកលវិទ្យាល័យ​ភូមិន្ទបាត់ដំបង

-ស្ថានីយ​រថភ្លើងកំពត
-ភូមិគ្រឹះគន្ធបុប្ផា(ព្រឹទ្ធសភា​សព្វថ្ងៃ) 

លោក អ៊ុង ក្រពុំផ្កា បានបាត់ខ្លួននៅក្នុងរបបខ្មែរក្រហមនៅក្នុងឆ្នាំ១៩៧៥ ។

(ប្រភព Colorise & Old Photos of Cambodia ) 

The National University of Battambang participates in the project management meeting and the third study visit of the 21st Century Teaching Skills Project

(Phnom Penh): Dr. Sam Rany, Vice-Rector, a representative of His Excellency Sok Khorn, Rector of the National University of Battambang, led a delegation of five leaders, including Mr. Yoeng Hak, Dean of the Faculty of Arts, Humanities, and Education; Mr. Tieng Morin, Dean of the Faculty of Business Management and Tourism, Mr. Im Kuoy, Vice-Dean of Faculty of Arts, Humanities, and Education, Mr. Hour Ry, Vice-Dean of the Faculty of Arts, Humanities, and Education, and Mr. Em Dara, Head of Foundation Year Department have attended the third project management meeting and study visit from March 6 to 11, 2023 at the Sunway Hotel and Royal University of Phnom Penh, Phnom Penh, Cambodia. 

The third study visit aims to learn about the education and culture systems as well as share the best practices and experiences related to the teaching methods and educational programs of partner universities in the project. Some 21st Century Learning and Teaching Materials, such as Collaborative Problem Solving, Deep Thinking, Digital Evolution, and 21st-century Century Learning and Assessment, will be shared on the official website at www.21stteachskills.eu for upcoming projects.

The National University of Battambang has incorporated these skills into its curriculum to improve the quality of students' education in line with the University's strategic plan, the National Strategic Plan of the Ministry of Education, Youth and Sports, and the policies of the Royal Government of Cambodia. During the meeting, Prof. Dr. Katerina Tasidou, Project Coordinator, stated that the reason for choosing the Kingdom of Cambodia as the third study visit is because Cambodia is developed, prosperous, and has a beautiful and environmentally friendly environment. Peace in the region Please note that the 21st Century Teaching Skills Project (Erasmus + CBHE 21st Century Teaching Skills) is part of a collaborative project for innovation and capacity building in higher education with the European Commission’s financial support. It has six university partners, including Greece (University of Ioannina), Lithuania (Klaipeda University), Luxembourg (Novel Group), Cambodia (Royal University of Phnom Penh and National University of Battambang), China (Southwest University and Shenzhen Polytechnic), and India (Symbiosis International/Deemed University and Banasthali University).

សាកលវិទ្យាល័យជាតិបាត់ដំបង ចូលរួមកិច្ចប្រជុំគ្រប់គ្រងគម្រោង និងទស្សនកិច្ចសិក្សា របស់គម្រោងជំនាញបង្រៀននៅសតវត្សរ៍ទី២១

សាកលវិទ្យាល័យជាតិបាត់ដំបង ចូលរួមកិច្ចប្រជុំគ្រប់គ្រងគម្រោង និងទស្សនកិច្ចសិក្សា របស់គម្រោងជំនាញបង្រៀននៅសតវត្សរ៍ទី២១ (freshnewsasia.com)

(ភ្នំពេញ)៖ លោកបណ្ឌិតសំ រ៉ានី សាកលវិទ្យាធិការរង តំណាងលោក សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង បានដឹកនាំប្រតិភូជាថ្នាក់ដឹកនាំចំនួន ០៥រូបរួមមាន៖ លោកយឹង ហាក់ ព្រឹទ្ធបុរសមហាវិទ្យាល័យសិល្បៈ មនុស្សសាស្រ្ត និងអប់រំ លោកទៀង ម៉ូរិន ព្រឹទ្ធបុរសមហាវិទ្យាល័យគ្រប់គ្រងពាណិជ្ជកម្ម និងទេសចរណ៍ លោកហួ រី ព្រឹទ្ធបុរសរងមហាវិទ្យាល័យគ្រប់គ្រងពាណិជ្ជកម្ម និងទេសចរណ៍ លោក អ៊ឹម គួយ ព្រឹទ្ធបុរសរងមហាវិទ្យាល័យសិល្បៈ មនុស្សសាស្រ្ត និងអប់រំ និងលោក ឯម ដារ៉ា ប្រធានដេប៉ាតឺម៉ង់ថ្នាក់ឆ្នាំសិក្សាមូលដ្ឋានចូលរួមកិច្ចប្រជុំគ្រប់គ្រងគម្រោង និងទស្សនកិច្ចសិក្សាលើកទី៣ ចាប់ពីថ្ងៃទី៦ ដល់ថ្ងៃទី១១ ខែមីនា ឆ្នាំ២០២៣ នៅសណ្ឋាគារសាន់វេ និងសាកលវិទ្យាល័យភូមិន្ទភ្នំពេញ រាជធានីភ្នំពេញ ប្រទេសកម្ពុជា។

ទស្សនកិច្ចសិក្សាលើកទី៣នេះ មានគោលបំណងស្វែងយល់ពីប្រព័ន្ធអប់រំ និងវប្បធម៌ ក៏ដូចជាការចែករំលែកឧត្តមានុវត្តន៍ និងបទពិសោធន៍ទាក់ទងនឹងវិធីសាស្រ្តបង្រៀន និងការរៀបចំកម្មវិធីអប់រំរបស់សាកលវិទ្យាល័យជាដៃគូនៅក្នុងគម្រោង។ ឯកសាររៀន និងបង្រៀនជំនាញបំណិនសតវត្សរ៍ទី២ ១មួយចំនួនដូចជា ជំនាញដោះស្រាយបញ្ហាប្រកបដោយកិច្ចសហការ ជំនាញរិះគិតស៊ីជម្រៅ ជំនាញបរិវត្តកម្មឌីជីថល និងជំនាញវាយតម្លៃការរៀន និងបង្រៀននៅសតវត្សរ៍ទី២១ នឹងត្រូវចែករំលែកនៅគេហទំព័រផ្លូវការ (https://www.21stteachskills.eu/)របស់គម្រោងនាពេលខាងមុខនេះ។

សាកលវិទ្យាល័យជាតិបាត់ដំបងបានបញ្ចូលជំនាញទាំងនេះទៅក្នុងកម្មវិធីសិក្សារបស់ខ្លួន ដើម្បីលើកកម្ពស់គុណភាពអប់រំរបស់និស្សិត ស្របតាមផែនការយុទ្ធសាស្រ្តរបស់សាកលវិទ្យាល័យ ផែនការយុទ្ធសាស្រ្តជាតិរបស់ក្រសួងអប់រំ យុវជន និងកីឡា និងគោលនយោបាយរបស់រាជរដ្ឋាភិបាលកម្ពុជាផងដែរ។

នៅក្នុងកិច្ចប្រជុំនេះ លោកស្រីសាស្រ្តាចារ្យបណ្ឌិត Katerina Tasidou អ្នកសម្របសម្រួលគម្រោងនេះបានមានប្រសាសន៍ថា មូលហេតុដែលគម្រោងជ្រើសរើសយកព្រះរាជាណាចក្រកម្ពុជា ជាទីកន្លែងធ្វើទស្សនកិច្ចសិក្សាលើកទី៣ ដោយសារប្រទេសកម្ពុជា មានការអភិវឌ្ឍរីកចម្រើន មានវប្បធម៌រុងរឿង មានបរិស្ថានស្រស់ស្អាត និងមានសុខសន្តិភាពនៅក្នុងតំបន់។

សូមបញ្ជាក់ថា គម្រោងជំនាញបង្រៀននៅសតវត្សរ៍ទី២១ (Erasmus+ CBHE 21st Teach Skills) នេះជាផ្នែកមួយនៃគម្រោងសហប្រតិបត្តិការ ដើម្បីនវានុវត្តន៍ និងការផ្លាស់ប្តូរឧត្តមានុវត្តន៍នៃការ កសាងសមត្ថភាព នៅក្នុងវិស័យឧត្តមសិក្សាដោយបានទទួលការការគាំទ្រ ហិរញ្ញវត្ថុពីសហគមន៍អឺរ៉ុប ដែលមានដៃគូចំនួន៦ប្រទេសរួមមាន៖ ប្រទេសក្រិក (សាកលវិទ្យាល័យអៃអូនីណា) ប្រទេសលីទុយអានី (សាកលវិទ្យាល័យក្លៃប៉េដា) ប្រទេសលុចសំបួរ (ក្រុមហ៊ុនណូវែលគ្រុប) ប្រទេសកម្ពុជា (សាកលវិទ្យា ល័យភូមិន្ទភ្នំពេញ និងសាកលវិទ្យាល័យជាតិបាត់ដំបង) ប្រទេសចិន (សាកលវិទ្យាល័យសៅវិស និងសាកលវិទ្យាល័យសិនហ្សិន) និងប្រទេសឥណ្ឌា(សាកលវិទ្យាល័យអន្តរជាតិស៊ីមប៊ីស៊ីស និងសាកលវិទ្យាល័យបាណាសថាលីវិទ្យាពិត)៕

សាកលវិទ្យាល័យជាតិបាត់ដំបង ចូលរួមសន្និសីទអន្តរជាតិនៅសាកលវិទ្យាល័យហាណូយ

(ហាណូយ)៖ សាកលវិទ្យាល័យជាតិបាត់ដំបង បានចាត់បញ្ជូនមន្រ្តីគ្រប់គ្រងចំនួនពីររូប គឺលោកបណ្ឌិតសំ រ៉ានី សាកលវិទ្យាធិការរង និងលោកទៀង ម៉ូរិន ព្រឹទ្ធបុរសមហាវិទ្យាល័យគ្រប់គ្រងពាណិជ្ជកម្ម និងទេសចរណ៍ ទៅចូលរួមក្នុងកម្មវិធីសន្និសីទអន្តរជាតិស្តីពី៖ «ការពង្រឹងសមត្ថភាពស្ថាប័នដើម្បីធ្វើអន្តរជាតូបនីយកម្ម នៃគ្រឹះស្ថានឧត្តមសិក្សា នៅក្នុងវិស័យការទទួលស្គាល់គុណវុឌ្ឍិ នៅតាមបណ្តាប្រទេសអាស៊ី និងអឺរ៉ុប (Strengthening Capacity for Internationalization of Higher Education in the Erea of Credential Recognition Among EU and Asian Countries)» របស់គម្រោងកិច្ចសហប្រតិបត្តិការ នៅក្នុងតំបន់ក្នុងវិស័យទទួលស្គាល់ ក្នុងចំណោមបណ្តាប្រទេសអាស៊ី (Reco-ASIA Project) ចាប់ពីថ្ងៃទី៣ ដល់ថ្ងៃទី០៦ ខែតុលា ឆ្នាំ២០២២កន្លងទៅនេះ នៅសាកលវិទ្យាល័យហាណូយ សាធារណៈរដ្ឋសង្គមនិយមវៀតណាម។

គម្រោងនេះ មានគោលបំណងសំខាន់ៗចំនួន៤រួមមាន៖
១៖ ផ្តល់អនុគ្រោះ និងបង្កើនគុណភាពនៃការបើកចំហរឱកាសផ្លាស់ប្តូរគ្នា (ចល័ត) នៅក្នុងប្រព័ន្ធឧត្តមសិក្សាអាស៊ី និងអឺរ៉ុប តាមរយៈការបង្កើនការទទួលស្គាល់គុណវុឌ្ឍិអប់រំនៅក្នុងតំបន់អាស៊ី និងអឺរ៉ុប
២៖ បង្កើតសមត្ថភាព និងជំនាញរបស់ខ្លួនក្នុងឋានៈជាអ្នកវាយតម្លៃទទួលស្គាល់គុណវុឌ្ឍិអប់រំដោយកំណត់ពីការអនុវត្តរួមគ្នា និងបង្កើតឧបករណ៍រួមគ្នានៅក្នុងចំណោមប្រទេសអាស៊ី និងអឺរ៉ុបដែលបានចូលរួម ស្ថាប័នជាតិ និងគ្រឹះស្ថានឧត្តមសិក្សា
៣៖ កសាងមូលដ្ឋានគ្រឹះដើម្បីពង្រឹង និងបង្កើនកិច្ចសហការរវាងតំបន់អាស៊ី និងអឺរ៉ុបតាមរយៈបទពិសោធន៍នៃកិច្ចសហប្រតិបត្តិការដែលទទួលបាននៅក្នុងដំណើរការបូឡូញ៉ា (Bologna Process) លើជំនាញឯកទេសនៃគ្រឹះស្ថានឧត្តមសិក្សាដែលបានចូលរួម និងឧត្តមានុវត្តន៍ដែលបានអនុម័តដោយបណ្តាញមជ្ឈមណ្ឌលព័ត៌មានអឺរ៉ុប (ENIC-NARIC)
៤៖ អភិវឌ្ឍកិច្ចសហប្រតិបត្តិការ ឲ្យបានរឹងមាំក្នុងចំណោមដៃគូគោល និងដៃគូរង ពីបណ្តាប្រទេសអាស៊ី លើកកម្ពស់បទពិសោធន៍របស់ដៃគូចូលរួមនីមួយៗ ទាក់ទងនឹងការទទួលស្គាល់ ដើម្បីសម្របសម្រួលការផ្លាស់ប្តូរអ្នកជំនាញ និងនិស្សិតអន្តរជាតិ។

សូមបញ្ជាក់ផងដែរថា គម្រោង Reco-ASIA ស្ថិតក្រោមគម្រោងកសាងសមត្ថភាពនៅគ្រឹះស្ថានឧត្តមសិក្សាដែលផ្តល់មូលនិធិដោយសហគមន៍អឺរ៉ុប(Erasmus+ CBHE) ដែលមានដៃគូសរុបចំនួន២០ និងដៃគូរងចំនួន៤។ ដៃគូទាំងនោះ មកពីប្រទេសអ៊ីតាលី កម្ពុជា អេស្តូនី ម៉ុងហ្គោលី ស្រីលង្កា ថៃ ម៉ុងហ្គោលី និងវៀតណាម។ ដោយឡែកនៅប្រទេសកម្ពុជា មានក្រសួងអប់រំ យុវជន និងកីឡា សាកលវិទ្យាល័យជាតិបាត់ដំបង និងសាកលវិទ្យាល័យជាតិជា ស៊ីម កំចាយមារ។ ចំពោះព័ត៌មានលម្អិតសូមចូលទៅទស្សនាគេហទំព័រ៖ http://www.recoasia.eu/

Source: https://freshnewsasia.com/index.php/en/localnews/261367-2022-10-17-05-02-32.html?fbclid=IwAR2wlwvlJQaJ3Ak8wvQbWf6W-8HSaUN6P_MPN6-nGAUmNs9S0k93KTVAx-s

សាកលវិទ្យាល័យជាតិបាត់ដំបង ចូលរួមទស្សនកិច្ចសិក្សាលើកទី២ របស់គម្រោងសហគមន៍អឺរ៉ុប នៅប្រទេសឥណ្ឌា

Source: https://freshnewsasia.com/index.php/en/localnews/261602-2022-10-17-15-17-53.html?fbclid=IwAR3Qq3p_fKb1x2J429MMr1ITs8re7AF80xn7-L9UIXkQn27OwcNnoXu2t6g

(ទីក្រុងពូនេ)៖ លោកបណ្ឌិតសំ រ៉ានី សាកលវិទ្យាធិការរង តំណាងលោក សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបងបានដឹកនាំប្រតិភូជាថ្នាក់ដឹកនាំចំនួន០៥រូប រួមមាន៖ លោកយឹង ហាក់ ព្រឹទ្ធបុរសមហាវិទ្យាល័យសិល្បៈ មនុស្សសាស្រ្ត និងអប់រំ លោកទៀង ម៉ូរិន ព្រឹទ្ធបុរសមហាវិទ្យាល័យគ្រប់គ្រងពាណិជ្ជកម្ម និងទេសចរណ៍ លោកហួ រី ព្រឹទ្ធបុរសរងមហាវិទ្យាល័យគ្រប់គ្រងពាណិជ្ជកម្ម និងទេសចរណ៍ លោកឡា សុផា ព្រឹទ្ធបុរសរងមហាវិទ្យាល័យសិល្បៈ មនុស្សសាស្រ្ត និងអប់រំ និងលោកឯម ដារ៉ា ប្រធានដេប៉ាតឺម៉ង់ថ្នាក់ឆ្នាំសិក្សាមូលដ្ឋាន ទៅចូលរួមកិច្ចប្រជុំគម្រោង និងទស្សនកិច្ចសិក្សាលើកទី២ ចាប់ពីថ្ងៃទី១០ ដល់១៧ ខែតុលា ឆ្នាំ២០២២នៅមហាវិទ្យាល័យនីតិសាស្រ្តស៊ីមបៃអូស៊ីសនៃសាកលវិទ្យាល័យ DEEMED ទីក្រុងពូនេ រដ្ឋមហារាស្រ្ត ប្រទេសឥណ្ឌា។

ទស្សនកិច្ចសិក្សារបស់គម្រោងសហគមន៍អឺរ៉ុបដែលមានឈ្មោះថា «គម្រោងជំនាញបង្រៀននៅសតវត្សរ៍ទី២១(21st Teach Skills)» មានគោលបំណងស្វែងយល់ និងចែករំលែកឧត្តមានុវត្តន៍ និងបទពិសោធន៍ទាក់ទងនឹងវិធីសាស្រ្តបង្រៀន និងការរៀបចំកម្មវិធីសិក្សារបស់សាកលវិទ្យាល័យដៃគូនៅក្នុងគម្រោង ជាពិសេសគ្រឹះស្ថានឧត្តមសិក្សាឥណ្ឌា។ ជំនាញសតវត្សរ៍ទី២១ នេះមានជំនាញសំខាន់ៗដូចជា ជំនាញដោះស្រាយបញ្ហាប្រកបដោយកិច្ចសហការ ជំនាញរិៈគិតស៊ីជម្រៅ ជំនាញបរិវត្តកម្មឌីជីថល និងជំនាញវាយតម្លៃការរៀន និងបង្រៀននៅសតវត្សរ៍ទី២១ ជា  ដើម។ សាកលវិទ្យាល័យជាតិបាត់ដំបងបានបញ្ជូលជំនាញទាំងនេះទៅក្នុងកម្មវិធីសិក្សារបស់ខ្លួន ដើម្បីលើកកម្ពស់គុណភាពអប់រំរបស់និស្សិត ស្របតាមផែនការយុទ្ធសាស្រ្តជាតិរ បស់ក្រសួងអប់រំ យុវជន និងកីឡា និងគោលនយោបាយរបស់រាជរដ្ឋាភិបាលកម្ពុជា។

គម្រោងជំនាញបង្រៀនសតវត្សរ៍ទី២១នេះ មានគោលបំណងសំខាន់ៗចំនួន៦រួមមាន៖
* កែលម្អគុណភាពឧត្តមសិក្សា និងការរៀនសូត្រពេញមួយជីវិត
* លើកកម្ពស់គុណភាពអប់រំសម្រាប់ឱកាសទីផ្សារការងារ
* កែលម្អកម្រិតសមត្ថភាព និងជំនាញនៅគ្រឹះស្ថានឧត្តមសិក្សា
* លើកកម្ពស់សមត្ថភាពនវានុវត្តន៍ និងអន្តរជាតូបនីយកម្មនៅក្នុងគ្រឹះស្ថានឧត្តមសិក្សា
* ជំរុញកិច្ចសហប្រតិបត្តិការជាមួយសាកលវិទ្យាល័យអឺរ៉ុបដើម្បីអភិវឌ្ឍន៍កម្មវិធីសិក្សាក្នុងប្រព័ន្ធអប់រំឧត្តមសិក្សា
* លើកស្ទួយទំនាក់ទំនងអន្តរបុគ្គល និងការយល់ដឹងពីអន្តរវប្បធម៌។

សូមបញ្ជាក់ថា គម្រោងនេះជាផ្នែកមួយនៃគម្រោងសហប្រតិបត្តិការដើម្បីនវានុវត្តន៍ និងការផ្លាស់ប្តូរឧត្តមានុវត្តន៍នៃការកសាងសមត្ថភាពនៅក្នុងវិស័យឧត្តមសិក្សា ដោយបានទទួលការការគាំទ្រហិរញ្ញវត្ថុពីសហគមន៍អ៊ឺរ៉ុប ដែលមានដៃគូចំនួន៦ប្រទេសរួមមានប្រទេសក្រិក (សាកលវិទ្យាល័យអៃអូនីណា) ប្រទេសលីទុយអានី (សាកលវិទ្យាល័យក្លៃប៉េដា) ប្រទេសលុចសំបួរ (ក្រុមហ៊ុនណូវិនគ្រុប) ប្រទេសកម្ពុជា (សាកលវិទ្យាល័យជាតិបាត់ដំបង និងសាកលវិទ្យាល័យភូមិន្ទភ្នំពេញ) ប្រទេសចិន (សាកលវិទ្យាល័យសៅវិស និងសាកលវិទ្យាល័យសិនហ្សិន) និងប្រទេសឥណ្ឌា(សាកលវិទ្យាល័យអន្តរជាតិស៊ីមប៊ីស៊ីស និងសាកលវិទ្យាល័យបាណាសថាលីវិទ្យាពិត)៕

ប្រវត្តិសាកលវិទ្យាល័យជាតិបាត់ដំបង ពីឆ្នាំ១៩៦៨ ដល់បច្ចុប្បន្ន (History of the National University of Battambang from 1969 till present)

ព្រះករុណាព្រះបាទសម្តេចព្រះនរោត្តម សីហនុ «ព្រះបរមរតនកោដ្ឋ» បានស្ថាបនាសាកលវិទ្យាល័យភូមិន្ទបាត់ដំបងតាមរយៈ ព្រះរាជក្រឹត្យលេខ ៣៤/៦៨.ប.រ ចុះថ្ងៃទី៣០ ខែមេសា ឆ្នាំ១៩៦៨ និងបានសម្ពោធជាផ្លូវការក្រោមព្រះរាជធិបតីភាពដ៍ខ្ពង់ខ្ពស់បំផុត ព្រះបាទសម្តេចនរោត្តម សីហនុ នៅថ្ងៃទី ៣១ ខែតុលា ឆ្នាំ១៩៦៨។ ​ ជាអកុសល សាកលវិទ្យាល័យនេះបានបិទទ្វារទៅវិញ ដោយសារតែសង្រ្គាមស៊ីវិល នៅឆ្នាំ១៩៧០។​

 ក្រោយការបញ្ចប់សង្រ្គាមស៊ីវិល សម្តេចក្រឡាហោ ស ខេង ឧបនាយករដ្ឋមន្រ្តី ​ និងរដ្ឋម​ន្រ្តីក្រសួងមហាផ្ទៃបានផ្តួចផ្តើមគំនិតបង្កើតសាកលវិទ្យាល័យនេះឡើងវិញដែលមានឈ្មោះថា«សាកលវិទ្យាល័យបាត់ដំបង»តាមរយៈអនុក្រឹត្យលេខ ២៧ អ.ន.ក្រ.ប.ក ចុះថ្ងៃទី ២១ ខែមីនា ឆ្នាំ២០០៧។​ សាកលវិទ្យាល័យបាត់ដំបងបានសម្ពោធជាផ្លូវការក្រោមអធិបតីភាពដ៍ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន នៅថ្ងៃទី០៩ ខែឆ្នូ ឆ្នាំ២០១០។ សាកលវិទ្យាល័យបាត់ដំបងត្រូវបានប្តូរឈ្មោះទៅជា «សាកលវិទ្យាល័យជាតិបាត់ដំបង» តាមរយៈ អនុក្រឹត្យលេខ ២០៦ អនក្រ.បក ចុះថ្ងៃទី១៥ ខែធ្នូ ឆ្នាំ២០២០។​

សាកលវិទ្យាល័យជាតិបាត់ដំបងត្រូវបានបង្កើតជាគ្រឹះស្ថានសាធារណៈរដ្ឋបាល តាមរយៈ អនុក្រឹត្យលេខ២៨៨ អនក្រ.បក ចុះថ្ងៃទី៣១ ខែធ្នូ ឆ្នាំ២០២១។ 

សាកលវិទ្យាធិការនៃសាកលវិទ្យាល័យជាតិបាត់ដំបង 

១. ឯកឧត្តមបណ្ឌិត ទូច វិសាលសុខ (២០០៨-២០១៣)
២. លោកជំទាវបណ្ឌិត សៀង ឯមទទឹម (២០១៣-២០២០)
៣. ឯកឧត្តម សុខ ឃន (២០២០-បច្ចុប្បន្ន)

His Majesty King Norodom Sihanouk established the Royal University of Battambang by Royal Decree No. 34/68, dated April 30, 1968. It was officially inaugurated on October 31, 1968, under the highest presidency of Prince Norodom Sihanouk. Unfortunately, the university was closed because of the civil war in 1970.

After the civil war, Samdech Krolahom Sar Kheng, Deputy Prime Minister and Minister of Interior initiated the idea of re-establishing this university, called "the University of Battambang", through sub-decree No. 27 of the ANKr. B.K. Dated March 21, 2007. On December 9, 2010, the University of Battambang was officially opened by Samdech Akka Moha Sena Padei Techo Hun Sen, Prime Minister of the Kingdom of Cambodia. 

By Sub-Decree No. 206 from December 15, 2020, the name of the University of Battambang was changed to the "National University of Battambang."

The National University of Battambang (NUBB) was established as the Public Administrative Institution by Sub-Decree No. 288 of the ANKr. B.K. Dated December 31, 2021. 

Rectors of the National University of Battambang (NUBB)

1. H.E. Dr. Touch Visalsok (2008-2013)

2. H.E. Dr. Sieng Emtotim (2013-2020)

3. H.E. Sok Khorn (2020- Now)

សិក្សាធិការក្នុងសម័យសង្គមរាស្រ្តនិយម (១៩៥៥-១៩៦៩)

ព្រះរាក្រឹត្យលេខ ៣៤/៦៨ ប.រ. ចុះថ្ងៃទី៣០ ខែមករា ឆ្នាំ១៩៦៨ ស្តីពីការរៀបចំ
 និងដំណើរប្រព្រឹត្តទៅនៃសាកលវិទ្យាល័យភូមិន្ទបាត់ដំបង

សេចក្តីរាយការណ៍របស់គណៈកម្មការសិក្សាធិការ ធម្មការ និងបញ្ហាវប្បធម៌ 

លេខ៥ រ.ស.ឃ. ចុះថ្ងៃទី២៩ ខែឧសភា ឆ្នាំ១៩៦៧ អំពីសេចក្តីព្រាងច្បាប់ស្តីពីការបង្កើតសកលវិទ្យាល័យនៅបាត់ដំបង

ព្រះរាជក្រមលេខ ៣១៦ ប.រ. ចុះថ្ងៃទី០៩ ខែកញ្ញា ឆ្នាំ១៩៦៧ ស្តីពីការប្រកាសឱ្យប្រើច្បាប់ស្តីពីការបង្កើតសាកលវិទ្យាល័យភូមិន្ទបាត់ដំបង 

អនុក្រឹត្យលេខ ២៦ អនក្រ. បក ចុះថៃ្ងទី២១ ខែមីនា ឆ្នាំ២០០៧ 

ស្តីពីការបង្កើតសាកលវិទ្យាល័យបាត់ដំបង

អនុក្រឹត្យ លេខ ២០៦ អនក្រ. បក ចុះថ្ងៃទី១៥ ខែ ធ្នូ ឆ្នាំ២០២០ ស្តីពីការប្តូរឈ្មោះ«សាកលវិទ្យាល័យបាត់ដំបង» ទៅជា«សាកលវិទ្យាល័យជាតិបាត់ដំបង»

សាកលវិទ្យាល័យជាតិបាត់ដំបងត្រូវបានបង្កើតជាគ្រឹះស្ថានសាធារណៈរដ្ឋបាល តាមរយៈ អនុក្រឹត្យលេខ២៨៨ អនក្រ.បក ចុះថ្ងៃទី៣១ ខែធ្នូ ឆ្នាំ២០២១