នៅពេលដែលការប្រឡងបាក់ឌុបចូលមកដល់ម្តងៗ
ក្រុមអ្នករិះគន់និងមន្រ្តីរដ្ឋាភិបាលតែងតែខ្វែងគំនិតគ្នាអំពី
អំពើពុករលួយដែលអាចកើតមានឡើងនៅក្នុងពេលប្រឡង។
ប៉ុន្តែទោះបីជាការពិតយ៉ាងណានោះវិស័យអប់រំគួរតែក្លាយជាវិស័យ
គំរូមួយសម្រាប់សង្គមខ្មែរ។គំរូទាំងសកម្មភាពគំរូទាំង
សតិសម្បជញ្ជៈ។
អស់រយៈពេលជាច្រើនឆ្នាំមកហើយដែលមតិសាធារណៈទូទៅ ក្រុមអង្គការសង្គមស៊ីវិល អ្នកនយោបាយបានជជែកគ្នាជុំវិញភាពមិនប្រក្រតីដែលអាចកើតមានឡើងនៅ ពេលប្រឡងម្តងៗជាពិសេសនៅពេលប្រឡងបាក់ឌុប។
មតិសាធារណជននិងក្រុមអ្នករិះគន់បានចោទប្រកាន់ជារៀងរាល់ឆ្នាំថា អាចមានអំពើពុករលួយកើតឡើងនៅរាល់ការប្រឡងម្តងៗ។ អំពើពុករលួយដែលអ្នករិះគន់បរិហារនោះមានចាប់តាំងពីការបែងចែក បុស្តិ៍អោយគ្រូមេប្រយោគជាដើម។ មេប្រយោគដែលចង់កាន់សាលានៅក្បែរទីប្រជុំជនត្រូវបង់ថវិកាខ្លះ។ សូមបញ្ជាក់ថា មូលហេតុដែលមេប្រយោគដណ្តើមគ្នាចង់កាន់សាលាដែលមានទីតាំងនៅក្បែរ ទីប្រជុំជនពីព្រោះពួកគេរំពឹងថា អាចរកប្រាក់ចំណូលបានមកវិញខ្លះនៅពេលប្រឡង។
ក្រៅពីភាពមិនប្រក្រតីទាក់ទងទៅនឹងការបែងចែកសាលា សម័យប្រឡងបាក់ឌុបម្តងៗត្រូវបានគេរិះគន់ថា អាចមានការសូកប៉ាន់នៅក្នុងពេលប្រឡងជាដើម។ ពេលខ្លះ សិស្សអាចនាំគ្នាប្រមូលលុយអោយគ្រូដើម្បីអាចចម្លងគ្នាទៅវិញទៅមក បានឬលួចមើលវិញ្ញាសារព្រាងបាន។ នៅថ្ងៃចន្ទនេះ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យនៅតែអះអាងថា មានភាពមិនប្រក្រីតីកើតឡើងដដែល។
ទោះជាយ៉ាងណាក៏ដោយ ដើម្បីបំបាត់នូវរាល់ការជះទឹកដាក់គ្នាជុំវិញភាពមិនប្រក្រតីនៅ ពេលប្រឡងនោះ ក្រុមយុវជនស្រាវជ្រាវមួយក្រុមគ្រោងនឹងសម្ភាសន៍ជាមួយសិស្ស៤០០ នាក់ក្រោយពេលប្រឡងចប់ដើម្បីចង់ដឹងថា សម័យប្រឡងឆ្នាំ២០១២នេះមានអំពើពុករលួយដូចអ្វីដែលធ្លាប់បានចោទ ប្រកាន់ដែរឬទេ? និយាយបែបផ្សេងមានន័យថា ការស្ទង់មតិខាងលើនេះអាចជាមធ្យោបាយមួយក្នុងការបញ្ចប់នូវមន្ទិល សង្ស័យនៅក្នុងសម័យប្រឡង។
ប្រសិនបើគ្មានការអង្កេតឬការស្ទង់មតិអោយបានច្បាស់លាស់ទេនោះ តម្លាភាពក្នុងសម័យប្រឡងវានៅតែជាតម្លាភាពនៅក្នុងភាពងងឹត។ ហើយសូមកុំភ្លេចថា តម្លាភាពនៅក្នុងភាពងងឹតគឺជាតម្លាភាពដែលនៅតែដិតដានដោយក្តី មន្ទិលសង្ស័យ។ ដូច្នេះ មានតែការស្ទង់មតិឯករាជ្យទេដែលអាចបញ្ចប់ភាពចម្រូងចម្រាស់ក្នុង វិស័យអប់រំបាន។
អ្នកវិភាគសង្គមសេដ្ឋកិច្ចខ្លះដែលបានតាមដានសម័យប្រឡងបាក់ឌុបអស់ រយៈពេលជាច្រើនឆ្នាំមកហើយនោះ បានអត្ថាធិប្បាយថា នេះគឺជាពេលវេលាដែលក្រសួងអប់រំត្រូវបញ្ចប់នូវភាពចម្រូងចម្រាស់ ក្នុងសម័យប្រឡងបាក់ឌុបនេះហើយ។ បើមិនដូច្នេះទេ រូបភាពនៃវិស័យអប់រំខ្មែរនៅតែប្រឡាក់ដិតដាមស្នាមខ្មៅដដែល។ ហើយនេះ ពេលខ្លះ វាខុសពីការពិតដែលបាននិងកំពុងកើតមានឡើងនៅក្នុងវិស័យអប់រំ។ ការពិតអាចថា គ្មានទាល់តែសោះអំពើផ្តេសផ្តាសនៅក្នុងវិស័យអប់រំនិយាយជារួមនិង និយាយដោយឡែក នៅពេលប្រឡងបាក់ឌុបនេះតែម្តង។
ប៉ុន្តែដើម្បីអាចធ្វើអោយគេជឿជាក់ថា សម័យប្រឡងនេះឬសម័យប្រឡងនោះមានសុក្រិត្យភាព១០០% អ្នកពាក់ព័ន្ធទាំងឡាយគួរបង្ហាញអ្វីដែលជាមន្ទិលសង្ស័យទៅកាន់ សាធារណជន អាចតាមរយៈ ការស្ទង់មតិក្តី ឬតាមរយៈការផ្តល់ព័ត៌មានដល់អ្នកសារព័ត៌មានក្តី។ ប្រសិនបើអ្នកពាក់ព័ន្ធ ហ៊ានបង្ហាញតម្លាភាពយ៉ាងដូច្នេះ ពេលនោះ ក្រុមអ្នករិះគន់ដែលធ្លាប់តែទាញប្រយោជន៍នយោបាយពីសម័យប្រឡងនោះ នឹងលែងមានប្រសិទ្ធិភាពតទៅទៀត។
អ្នកតាមដានសភាពការណ៍សង្គមសេដ្ឋកិច្ចដដែលបានអត្ថាធិប្បាយបន្តទៀតថា វិស័យអប់រំ ទោះបីថាល្អឥតខ្ចោះហើយក្តីឬក៏ធ្លាប់មានបញ្ហាខ្លះក៏ដោយក្តី វាគួរតែក្លាយទៅជាវិស័យគំរូមួយចាប់ពីពេលនេះតទៅ គំរូទាំងសកម្មភាព គំរូទាំងសតិសម្បជញ្ជៈសម្រាប់សង្គមជាតិទាំងមូល៕
អស់រយៈពេលជាច្រើនឆ្នាំមកហើយដែលមតិសាធារណៈទូទៅ ក្រុមអង្គការសង្គមស៊ីវិល អ្នកនយោបាយបានជជែកគ្នាជុំវិញភាពមិនប្រក្រតីដែលអាចកើតមានឡើងនៅ ពេលប្រឡងម្តងៗជាពិសេសនៅពេលប្រឡងបាក់ឌុប។
មតិសាធារណជននិងក្រុមអ្នករិះគន់បានចោទប្រកាន់ជារៀងរាល់ឆ្នាំថា អាចមានអំពើពុករលួយកើតឡើងនៅរាល់ការប្រឡងម្តងៗ។ អំពើពុករលួយដែលអ្នករិះគន់បរិហារនោះមានចាប់តាំងពីការបែងចែក បុស្តិ៍អោយគ្រូមេប្រយោគជាដើម។ មេប្រយោគដែលចង់កាន់សាលានៅក្បែរទីប្រជុំជនត្រូវបង់ថវិកាខ្លះ។ សូមបញ្ជាក់ថា មូលហេតុដែលមេប្រយោគដណ្តើមគ្នាចង់កាន់សាលាដែលមានទីតាំងនៅក្បែរ ទីប្រជុំជនពីព្រោះពួកគេរំពឹងថា អាចរកប្រាក់ចំណូលបានមកវិញខ្លះនៅពេលប្រឡង។
ក្រៅពីភាពមិនប្រក្រតីទាក់ទងទៅនឹងការបែងចែកសាលា សម័យប្រឡងបាក់ឌុបម្តងៗត្រូវបានគេរិះគន់ថា អាចមានការសូកប៉ាន់នៅក្នុងពេលប្រឡងជាដើម។ ពេលខ្លះ សិស្សអាចនាំគ្នាប្រមូលលុយអោយគ្រូដើម្បីអាចចម្លងគ្នាទៅវិញទៅមក បានឬលួចមើលវិញ្ញាសារព្រាងបាន។ នៅថ្ងៃចន្ទនេះ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យនៅតែអះអាងថា មានភាពមិនប្រក្រីតីកើតឡើងដដែល។
ឆ្លើយតបទៅនឹងរាល់ការចោទប្រកាន់ខាងលើនេះ មន្រ្តីក្រសួងអប់រំតែងតែបដិសេធដាច់អហង្ការដោយការពារថា គ្មានឡើយការសូកប៉ាន់នៅពេលប្រឡង។ ការរៀបចំការប្រឡងពីមួយឆ្នាំទៅមួយឆ្នាំរឹតតែប្រសើជាងមុន ពោលគឺភាពរញ៉េរញ៉ៃ ភាពមិនប្រក្រតីទាំងឡាយដែលធ្លាប់មាននាពេលកន្លងមកត្រូវបានកាត់ បន្ថយជាបណ្តើរៗ។
ទោះជាយ៉ាងណាក៏ដោយ ដើម្បីបំបាត់នូវរាល់ការជះទឹកដាក់គ្នាជុំវិញភាពមិនប្រក្រតីនៅ ពេលប្រឡងនោះ ក្រុមយុវជនស្រាវជ្រាវមួយក្រុមគ្រោងនឹងសម្ភាសន៍ជាមួយសិស្ស៤០០ នាក់ក្រោយពេលប្រឡងចប់ដើម្បីចង់ដឹងថា សម័យប្រឡងឆ្នាំ២០១២នេះមានអំពើពុករលួយដូចអ្វីដែលធ្លាប់បានចោទ ប្រកាន់ដែរឬទេ? និយាយបែបផ្សេងមានន័យថា ការស្ទង់មតិខាងលើនេះអាចជាមធ្យោបាយមួយក្នុងការបញ្ចប់នូវមន្ទិល សង្ស័យនៅក្នុងសម័យប្រឡង។
ប្រសិនបើគ្មានការអង្កេតឬការស្ទង់មតិអោយបានច្បាស់លាស់ទេនោះ តម្លាភាពក្នុងសម័យប្រឡងវានៅតែជាតម្លាភាពនៅក្នុងភាពងងឹត។ ហើយសូមកុំភ្លេចថា តម្លាភាពនៅក្នុងភាពងងឹតគឺជាតម្លាភាពដែលនៅតែដិតដានដោយក្តី មន្ទិលសង្ស័យ។ ដូច្នេះ មានតែការស្ទង់មតិឯករាជ្យទេដែលអាចបញ្ចប់ភាពចម្រូងចម្រាស់ក្នុង វិស័យអប់រំបាន។
អ្នកវិភាគសង្គមសេដ្ឋកិច្ចខ្លះដែលបានតាមដានសម័យប្រឡងបាក់ឌុបអស់ រយៈពេលជាច្រើនឆ្នាំមកហើយនោះ បានអត្ថាធិប្បាយថា នេះគឺជាពេលវេលាដែលក្រសួងអប់រំត្រូវបញ្ចប់នូវភាពចម្រូងចម្រាស់ ក្នុងសម័យប្រឡងបាក់ឌុបនេះហើយ។ បើមិនដូច្នេះទេ រូបភាពនៃវិស័យអប់រំខ្មែរនៅតែប្រឡាក់ដិតដាមស្នាមខ្មៅដដែល។ ហើយនេះ ពេលខ្លះ វាខុសពីការពិតដែលបាននិងកំពុងកើតមានឡើងនៅក្នុងវិស័យអប់រំ។ ការពិតអាចថា គ្មានទាល់តែសោះអំពើផ្តេសផ្តាសនៅក្នុងវិស័យអប់រំនិយាយជារួមនិង និយាយដោយឡែក នៅពេលប្រឡងបាក់ឌុបនេះតែម្តង។
ប៉ុន្តែដើម្បីអាចធ្វើអោយគេជឿជាក់ថា សម័យប្រឡងនេះឬសម័យប្រឡងនោះមានសុក្រិត្យភាព១០០% អ្នកពាក់ព័ន្ធទាំងឡាយគួរបង្ហាញអ្វីដែលជាមន្ទិលសង្ស័យទៅកាន់ សាធារណជន អាចតាមរយៈ ការស្ទង់មតិក្តី ឬតាមរយៈការផ្តល់ព័ត៌មានដល់អ្នកសារព័ត៌មានក្តី។ ប្រសិនបើអ្នកពាក់ព័ន្ធ ហ៊ានបង្ហាញតម្លាភាពយ៉ាងដូច្នេះ ពេលនោះ ក្រុមអ្នករិះគន់ដែលធ្លាប់តែទាញប្រយោជន៍នយោបាយពីសម័យប្រឡងនោះ នឹងលែងមានប្រសិទ្ធិភាពតទៅទៀត។
អ្នកតាមដានសភាពការណ៍សង្គមសេដ្ឋកិច្ចដដែលបានអត្ថាធិប្បាយបន្តទៀតថា វិស័យអប់រំ ទោះបីថាល្អឥតខ្ចោះហើយក្តីឬក៏ធ្លាប់មានបញ្ហាខ្លះក៏ដោយក្តី វាគួរតែក្លាយទៅជាវិស័យគំរូមួយចាប់ពីពេលនេះតទៅ គំរូទាំងសកម្មភាព គំរូទាំងសតិសម្បជញ្ជៈសម្រាប់សង្គមជាតិទាំងមូល៕
No comments:
Post a Comment