លោក នាយករដ្ឋមន្ត្រី ហ៊ុន សែន ចាប់ដៃជាមួយមេដឹកនាំចិន កាលពីពេលកន្លងមក។ រូបថត ហេង ជីវ័ន
សូមគោរពលោកការីនិពន្ធ
តើប្រទេសកកម្ពុជា កំពុងមានទំនោរទៅខាងប្រទេសចិន
ឬសហរដ្ឋអាមេរិក? តាមបរិបទប្រទេសកម្ពុជា សំណួរនេះ
ត្រូវបានកប់បាត់ម្តងរួចទៅហើយ ក្រោយសម័យខ្មែរក្រហមបានដួលរលំ។
តាមប្រវត្តិសាស្ត្រ នៅទសវត្សរ៍ ១៩៦០ ប្រទេសកម្ពុជាមានទំនោរទៅខាងចិន
ហើយនៅទសវត្សរ៍ ១៩៧០ កម្ពុជា មានទំនោរទៅខាងអាមេរិក។
ក្រោយមកសម្រាប់រយៈពេល៣ ទសវត្សរ៍បន្ទាប់
កម្ពុជាបានធ្លាក់ចូលទៅក្នុងសង្គ្រាមស៊ីវិល
បណ្តាលឲ្យប្រជាជនរាប់លាននាក់រងទុក្ខវេទនា។
ពេលនោះហើយជាពេលដែលរឿងទំនោរខាងណានោះ បានសាបរលាបបាត់។
តាមការបារម្ភរបស់យើង បច្ចុប្បន្ន រឿងនេះ
ហាក់ដូចជាកំពុងលេចឡើងសាជាថ្មី។ ជាមួយការងើបឡើងរបស់ចិន
តាមរយៈសេដ្ឋកិច្ចដ៏ខ្លាំងក្លា និងការចំណាយថវិកា
សម្រាប់វិស័យយោធាដ៏សម្បើមរបស់ខ្លួននៅម្ខាង
ហើយអ្វីដែលគេហៅថា«សតវត្សរ៍ប៉ាស៊ីហ្វិករបស់អាមេរិក»
នៅម្ខាងទៀតនោះ ការតស៊ូដើម្បីឥទ្ធិពល កំពុងដុតកម្តៅឡើង
រវាងប្រទេសមហាអំណាចទាំង ២ នេះ។ ទោះបីរដ្ឋធម្មនុញ្ញប្រទេសកម្ពុជា
មានចែងពីភាពអព្យាក្រឹត និងមិនចូលបក្ខសម្ព័ន្ធក្តី ពិភពខាងក្រៅ
មើលឃើញផ្សេង ដោយពិនិត្យទៅលើទំហំនៃទំនាក់ទំនងទ្វេភាគី
ជាមួយចិនទល់នឹងទំនាក់ទំនងទ្វេភាគីជាមួយអាមេរិក។
និយាយពីនយោបាយ ខណៈកម្ពុជាធ្វើជាប្រធានអាស៊ាន
ទោះបីវាគួរឲ្យអស់សំណើចយ៉ាងខ្លាំងក្តី
ពាក្យចចាមអារ៉ាមបានលើកឡើងថា
កម្ពុជាបានបញ្ជូនគ្រប់ឯកសារទាំងអស់ទៅឲ្យចិន
នៅមុនកិច្ចប្រជុំជាមួយអាស៊ាន។ វាពិបាកនឹងជឿណាស់ថា
មានមនុស្សយកចិត្តទុកដាក់
នឹងរឿងកំប្លែងចោទប្រកាន់ដ៏អាក្រក់នេះថាជារឿងពិត
នៅពេល«ការវេញជាធ្លុងមួយ»
និង«តួនាទីកណ្តាលរបស់អាស៊ាន»គឺជានិមិត្តរូបស្នូលរបស់អាស៊ាន។
និយាយពីសេដ្ឋកិច្ច មនុស្សមួយចំនួន
បានសម្តែងក្តីព្រួយបារម្ភធ្ងន់ធ្ងរ
អំពីឥទ្ធិពលនៃប្រាក់របស់ចិន នៅប្រទេសកម្ពុជា។ ប៉ុន្តែ
តើមានប្រទេសប៉ុន្មាន នៅលើពិភពលោក ដែលមិនចង់ទទួលប្រាក់របស់ចិន
នៅពេលប្រទេសតំបន់ចាយប្រាក់អឺរ៉ូជួបវិបត្តិ
ហើយសេដ្ឋកិច្ចអាមេរិកចុះអន់ថយនោះ? នៅដើមខែមិថុនានេះ
សូម្បីតែជប៉ុន
ក៏ចាប់ផ្តើមបង្វែរទៅរកការដោះដូរផ្ទាល់រវាងរូបិយប័ណ្ណយ៉េន
របស់ជប៉ុន និងរូបិយប័ណ្ណយន់របស់ចិនដែរ។ នៅក្នុងសេដ្ឋកិច្ចទីផ្សារ
ល្គឹកណាវាពុំធ្វើឲ្យប៉ះពាល់ដល់ប្រយោជន៍សន្តិសុខរបស់ជាតិ
វាពិបាកនឹងឃើញប្រទេសណាមួយកម្រិតចំនួនដៃគូសេដ្ឋកិច្ចរបស់
ខ្លួនណាស់។
នេះបង្ហាញថា ការយល់ឃើញពីពិភពខាងក្រៅ
គួរឲ្យភ័យខ្លាចយ៉ាងដូចម្តេច។ យ៉ាងណាក្តី សម្រាប់កម្ពុជា
យើងពុំមានភាពរង្គោះរង្គើទេ ព្រោះប្រវត្តិសាស្ត្រខ្មៅងងឹត ៣០
ឆ្នាំមកនេះ ទើបតែនៅថ្មីៗ។ បទពិសោធប្រាប់យើងថា
នៅពេលមានសង្គ្រាមស៊ីវិល និងប្រទេសជាតិធ្លាក់ចូលក្នុងភាពអាសន្ន
រឿងទំនោរបក្ខពួក ពុំមានឮគេលើកយកមកនិយាយឡើយ។ បច្ចុប្បន្ននេះ
ប្រទេសកម្ពុជា ក៏បួងសួង សុំឲ្យរឿងទំនោរបក្ខពួកនេះ
សាបរលាបមិនត្រូវគេលើកឡើងផងដែរ
នៅពេលប្រទេសជាតិកំពុងមានសុខសន្តិភាពនោះ៕ CR
ដោយ ស៊ីម វីរៈជាមន្ត្រីរដ្ឋាភិបាលមួយរូប
No comments:
Post a Comment